Gud Poems.........! (must read) not mine.

[!~RAjPUT~!]

Note: these are not my creation.... tarrif meri mat karna ... likhne waale ki karna... mujhe mili isi liye share karne ki liye yahan post kardi...

AAhat...

Khaamosh guzar ti ho ,
Aangan se nakaabo.n main,
Haule se chhupa detin,
Munh apana kitaabon main.
Kangan ko karogi chup,
Paayal bhi utaarogi ,
Dhad_kan ka karogi kyaa ,
Aahat to wohi hogi

Hai pyaar hamai.n tum se,
Hamraaz farishtey hain,
Pehachaan le laankhon main,
Ye rooh ke rishtey hain.~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


Meethi Uljhan...

Yeh kaisi meethi uljhan hai ?

Dhoop tumhari yaad dilaati,
Chhanw tumhari hi baaten hai.n,
Aankhe ek jhalak ko pyaasi,
Bhule nahi.n bhula paate hai.n,
Itnaa kyon mohit yeh mann hai !

Tumse milane ko aatur kyon,
Mera rom rom rahataa hai,
Pyaar sahi hai , paap nahin hai,
Kyon mera antar kahataa hai,
Zidd hai ya diwanaapan hai !!

Mitti ki saundhi khushaboo si,
Ya puja ki jhanjhar jaisi,
Rimjhim rimjhim barakhaa ho,
Tum bahati nadiya ke sur si,
Tum main meraa brundawan hai !!!

~~~~~~~~~~~~~~~~~~~~~~~~~~~~~~~~~~~~~~

KileSa ...
....Mann kisi ...
....khand_har kile sa ...

....Kitane darwaaze jharoke ,
....Kitane Galiyaron ke dhoke ,
....Oonchi pathar ki diwaaren
....Din-ba-din Badhati daraaren.

....Band kamron main hawayen
....Khud se hi puchain battayen,
....Seedhiyon par so gayee hain,
....Sheeshmahalon ki kathayen.

....Chawk hain chup-chaap baithe,
....Peepalon ke ped nange,
....Ab kahin jaati nahin hain,
....Soch ki lambi surangen.

....Chhat pe chhal ke laakh Jaale,
....Farsh darabaron ka mailaa,
....Baag Banjar , Nehar sookhi,
....Aur udhar mandir akelaa,

.... Chhaanw chup hai,
....Saans sahami,
....Angano.n main hai andeshaa -......Mann kisi ...
...........Khand_har Kile sa ... !

[Casanova82]

good 1s yar liked the 1st 1 aahat............pour sm more